七歲搬到官塘月華街, 考入呢間距離屋企只有幾十步的學校(↓)做二年級插班生, 因此兩個小弟都可以順利入讀, 省卻爸媽不少精神同金錢, 每年只需買校簿, 書本的話, 就大嗰個pass畀細嗰個, 做大既唔得畫花啲書本, 留番畀細既下年用, 要畫就用鉛筆輕輕咁畫, 第時擦番.
學校每級有4班, AB班返上午, CD班下午, 全級按成績排,考第1至45名下年就升讀A班, 餘此類推, 直至小五, 5A班會升番6A, 呢兩年每班各自有中,英,數老師,專門應付升中試, 上晝上完堂, 返屋企食過午飯, 下晝又要番學校補課, 好彩我住得近咋, 通常我嗰班會用操場行到尾嗰間小小音樂室, 夏天真係又悶又熱, 不過老師同同學門既汗水都冇白流架, 我地升中大都派到好好既中學, 有次弟弟放小息到操場玩, 佢同埋佢啲同學仔走到音樂室門口, 佢指住我話呢個係佢家姐, 佢個同學仔又指住另一個話呢個係佢亞哥, 又有一次弟弟放小息响操場企响欄河邊, 佢見我响屋企個騎樓道, 我哋屋企騎樓係對到正學校操場(↓)嘅, 猛向我揮手, 真係可愛
又想講吓呢三位同我地一齊努力左兩年既中,英,數老師(↓), 教數學呢位朱先生, 佢除左面頰有少少, 真係好少, 唔留意都見唔到既凹凸之外, 高大威猛, 玉樹臨風, 佢朝朝揸車返學, 好瀟灑咁掟個彎將架車泊响學校正門則面, 記得佢係教我哋嗰兩年內結婚既, 教我哋國文既係位女老師-李先生, 佢講話有少少唔正, 但係佢既中文修養好好, 佢個女同我哋同年歲, 所以覺得佢好似媽媽咁, 好慈祥同親切. 英文科老師係麥SIR, 佢有3個細路, 一級一級咁, 佢教得我哋啲英文好好, 中文小學既英文科在公開試能取得好既成績, 咪就係最好既証明囉, 佢耐不時會响佢課堂上唱”MY WAY”…成首唱晒架, 仲好迷醉咁, 當時係佢唱我咪聽囉, 依家不知不覺已走到左佢嗰陣既年紀, 聽番呢首歌同細味佢既歌詞, 真係太有意思喇.
↓ 左至右: 英文科麥SIR, 中文科女老師李先生, 數學科朱先生, 6A班同學
每星期有一堂週會, 可座入禮拜堂(↓)聽校長在台上訓話, 可能坐得太舒服掛, 通常我都係進入咗夢鄉既, 平時係响操場集合排隊, 由范主任講幾句先至行好多層樓梯級上班房咁, 我成日响後面裝范主住既眼鏡片, 點解會上下兩節咁得意既, 嗰時都唔識得呢啲係有埋老花既近視鏡片, 范主任有個姪女同我同級, 佢既家族個名第二個字係用”一”, 我出嚟社會做事, 第一份銀行工被派到嗰間分行, 有位女同事個名第二個字又係”一”, 傾談之下, 原來我嗰位同級同學正係佢個細細妹, 而范主任嗰時已經退左休嘞.
↓ 中華基督教會梁發紀念禮拜堂
又想講吓呢三位同我地一齊努力左兩年既中,英,數老師(↓), 教數學呢位朱先生, 佢除左面頰有少少, 真係好少, 唔留意都見唔到既凹凸之外, 高大威猛, 玉樹臨風, 佢朝朝揸車返學, 好瀟灑咁掟個彎將架車泊响學校正門則面, 記得佢係教我哋嗰兩年內結婚既, 教我哋國文既係位女老師-李先生, 佢講話有少少唔正, 但係佢既中文修養好好, 佢個女同我哋同年歲, 所以覺得佢好似媽媽咁, 好慈祥同親切. 英文科老師係麥SIR, 佢有3個細路, 一級一級咁, 佢教得我哋啲英文好好, 中文小學既英文科在公開試能取得好既成績, 咪就係最好既証明囉, 佢耐不時會响佢課堂上唱”MY WAY”…成首唱晒架, 仲好迷醉咁, 當時係佢唱我咪聽囉, 依家不知不覺已走到左佢嗰陣既年紀, 聽番呢首歌同細味佢既歌詞, 真係太有意思喇.
↓ 左至右: 英文科麥SIR, 中文科女老師李先生, 數學科朱先生, 6A班同學
每星期有一堂週會, 可座入禮拜堂(↓)聽校長在台上訓話, 可能坐得太舒服掛, 通常我都係進入咗夢鄉既, 平時係响操場集合排隊, 由范主任講幾句先至行好多層樓梯級上班房咁, 我成日响後面裝范主住既眼鏡片, 點解會上下兩節咁得意既, 嗰時都唔識得呢啲係有埋老花既近視鏡片, 范主任有個姪女同我同級, 佢既家族個名第二個字係用”一”, 我出嚟社會做事, 第一份銀行工被派到嗰間分行, 有位女同事個名第二個字又係”一”, 傾談之下, 原來我嗰位同級同學正係佢個細細妹, 而范主任嗰時已經退左休嘞.
↓ 中華基督教會梁發紀念禮拜堂
*五年愉快的小學生涯之前先要經過兩年極度不愉快的小學生涯, 尚在掙扎要不要說出來
沒有留言:
張貼留言