找房子

潘麗瓊小姐刊在頭條的幸福摩天輪, 是我必看的專欄, 很欣賞她傳神的描述!

今天讀到她的文章, 非常之有共鳴!

幸福摩天輪——找房子

2011-04-12

兩年來，我一直在找房子。
        表面上，我們住在千呎「豪宅」，享有二百七十度環迴維港景色，從落地玻璃俯瞰煙花景，交通便利，到中環只花五分鐘車程，二十五分鐘到迪士尼，旺角十數分鐘就步行到，樓下有會所兼大型商場，戲院、超巿甚麼也有，為何還不滿足？

~ 寒舍冇270度, 小海咁啦, 但係發覺對眼望住個電視屏幕多過望佢一眼,

~ 而本人又唔係周時四圍去wet, 去到三更半夜先番屋企, 去邊度邊度快趣對我嚟講冇乜意思, 番工放工條路線ok咪夠囉,

~ 樓下係有個細會所, 做吓‘尖’咁架咋, 但係回顧呢幾年嚟一次都未利用過

        實情是，像所有建於二千年後的新樓一樣，咱們用畢生積蓄買來的空間都給變走了。全屋沒有晾曬衣服的地方，一家六口的衫褲包括「底底」像萬國旗一樣，長年懸掛在客廳裏，無敵海景給遮了一半。飯廳要緊貼牆壁，大門開關時必定撞到餐椅。廚房只容一人，他人入內必須側身而過。廁所也小得可憐，如果你在洗臉洗手，而有人不知就裏大力開門，必定把你撞扁。

~ 咱們用畢生積蓄買來的空間都給變走, 建於2000年後的新樓, 實用率6,7成, 仲要減埋啲窗台環保露台工作台, 剩餘可以畀你腳踏實地既地面面積真係少得可憐

~ 沒有晾曬衣服的地方, 若果整支鐵通掛上窗台, 就連小海都遮埋, 惟有响聽既一角, 豎起萬國旗, 其實焗住啲濕氣响屋內, 對身體都唔好

~ 一吓用餐後冇將餐椅泊番埋台底，大門開關時必定撞到餐椅

~ 廚房只容一人，他人入內必須側身而過。咪懶溫馨咁我洗完個碗, 遞畀你抹, 呢個場景係冇可能架

~ 廁所也小得可憐，如果你在洗臉洗手，而有人不知就裏大力開門，必定把你撞扁。所以被免撞扁, 索性洗臉洗手唔關門

        三間睡房，奶奶佔其一，我和丈夫佔其二，兩個女兒和外傭擠在餘下幾十呎小房間裏。房間的窗台大得像張，引誘你索性睡上去，但我家在四十樓，大風一點都可感到玻璃窗在顫動，挨在窗台上會有跳樓的驚慄感。女兒逐漸長大，我們希望有多點空間，卻發現新樓愈來愈花俏，廚廁裝有電視屏幕，方便你「長期作戰」，電梯吊搖搖欲墜的水晶燈，地方則更加呃秤，千三四呎的「豪宅」，比我現居更小，睡須推到窗台上，衣櫃要用滑門，書桌卻無地方放置。工人房只有門的闊度，沒有窗，黑麻麻像棺材！

~ 兩個女兒和外傭擠在餘下幾十呎小房間裏, 仔女依家好多時都要同外傭共房, 我以前都分到間細房仔啦, 呢方面有啲倒退咁噃

~ 大風一點都可感到玻璃窗在顫動，嗰啲勁大聲既呼呼聲, 拍恐佈片唔駛做聲效, 夠天然

~ 挨在窗台上會有跳樓的驚慄感, 通常我會盡量同嗰塊大玻璃保持距離

~ 房間的窗台大得像張床, 同我裝燈個師傅話, 你隨時招呼人留宿都掂, 跟住佢瞓咗上窗台作示範, 佢跟住仲整多句, 細路既話, 可以瞓兩個

~ 衣櫃要用滑門，書桌卻無地方放置。時常都要內心爭鬥一大餐, 因為要放呢樣, 就唔放得落嗰樣

~ 大堂就整到懶靚咁, 但係我每次逗留都只係嗰幾分鐘等 lift 時間

        最後把心一橫，索性租政府醫生宿舍，實用面積二千多呎，呎租十元左右，有露台、騎樓、儲物室、工人房（像以前的睡房般大）、洗濯房，三間睡房各有百多呎，要重新添置各種家電，遠離巿區，但我寧願自我放逐，不依主流另闢安樂窩。

~ 遠離巿區，寧願自我放逐, 我仲未歸隱得住, 惟有繼續屈响蝸居