我喜歡的歌曲

幾日前, 的起心肝, 將心愛既歌曲整理一吓, 輯成一隻光碟, 亞C先生話過燒錄音樂, 要用印有高音符號响面, 燒音樂專用既光碟, 佢仲話過要細火慢燒, 放假無聊做就最啱 嘩, 剩係英文歌已經超過700M, 要恨心地抽番兩隻出嚟, 鬼咩, 我見一隻聽一隻就鍾意一隻, 這個「歌迷」真太濫, 仲有, 幾乎全部都係我出世之前既英文歌添, 諗諗吓, 都係要多得我既父親母親大人, 唔好搞錯, 佢哋唔聽英文歌架, 佢哋得閑會聽吓帝女花, 搜書院

咁囉喎, 又要想當年嘞, 好記得响我兩歲嗰陣, 屋企有一個正方型盒狀物體, 好似好 貴, 唔係點解會畀佢哋高高掛起, 佢個頂打開就可以放唱片, 側邊好多制, 擰擰吓就會有聲音發出, 講吓嘢又唱吓歌咁, 我細細個已經立下偉大既人生目標, 就係為求成功, 起勢向上爬, 擰到佢發聲, 咭咭笑兼拍晒手掌咁跳番落嚟, 好有成就感

咁都冇畀老豆老母炳? 冇喎, 我係大女, 嗰陣仲係得我一個, 亞媽話我細個真係好百厭, 所以帶個細佬嚟, 咁都得?

講番, 嗰時個收音機播放既都會係十年廿年前既歌曲, 好似家陣電台都會播番2000, 1990, 1980啲歌曲一樣啦, 可能嗰時聽埋聽埋, 已經深深印在小小的腦海裡, 到依家一聽到呢啲歌曲, 就會覺得似曾相識咁, 喚醒番兩歲時聽過既歌曲既回憶

▼ 紅噹噹娘炳織花棉納拜年look, 一跳就跳咗上公園張木凳度當行平行木, 呢啲驚險場面, 雙親見慣晒, 淡定, 有錢剩, 反而有個親戚飛撲上前護駕, 當日嚇親您, 依家同您講句唔好意思!