手機拍攝練習-第二回

用手機影相, 有幾難喎? 去了解認識佢, 畀多啲機會佢 !
又嚟練習喇, 最緊要就手, 都唔係唔理好醜架, 幾正吖 !

▲   覺唔覺右邊個 look 零舍高貴典雅, 不落俗氣呢, 佢唔係呢個場架 !

影桃花嗰時, 為咗睇吓邊個方位啲燈光就啲, 唔覺意行咗一個圈添, 人哋話圍住棵桃花行一個圈會行桃花運個喎, 某程度上桃花多, 煩惱會跟住嚟,
好彩, 又有人話桃花都可以指係人緣好, 咁又唔錯喎, 平日畀我激到彈吓彈吓既人真係太多嘞, 當然包括埋我個老細
後記
有日, 同小花B落街醫肚, 餸菜送到, 我照例拎定個相機出嚟 stand by,
佢話, 「換個好啲既手機啦, 可以影埋相, 出街唔駛拎兩件嘢」
我答佢, 「我拎咗一件嘢出嚟之嘛, 我冇帶手機喎, 嘻嘻!」
嘩, 佢瞪大對眼, 對眼都夠晒大架啦, 平日見佢响屋企就對住個電腦Mon傻笑, 出到嚟就對住個i-phone傻笑, (識得笑, 好事嚟嘅), 出街唔帶手機, 在佢嚟講, 太匪夷所思嘞
呢個手機影啲相都唔太差啫, 件嘢仲係你(好聽啲講係送)畀我, 可能係你未及了解佢, 已經拋棄咗佢