120號電車

發覺依家啲人既「身外物」使用期越嚟越短, 好似手機, 相機, 電腦, 高科技視聽器材, 仲未及完全了解, 繼而同佢培養到感情, 就已經心思思去物識新愛
點似得我哋呢啲咁重感情嘅 >>>嘔>, 對於舊事舊物既眷戀, 隨住年歲有增無減, 早幾日, 居然見到件1949年既產品, 招搖過市, 大喜 ｡｡｡｡｡感淚 ｡｡｡｡｡ 
電車公司由1986年開始陸續將呢種車款改裝成依家咁, 改剩兩架, 一架停定定畀人參觀, 而呢架120就繼續為香港島大眾市民服務, 希望新既電車公司老闆畀更多唔同年代既電車出嚟行走, 等我哋可以懷勉一番
 懷勉過去, 常陶醉一半樂事, 一半令人流淚｡｡｡｡｡

超過百年既電車事業賣左畀法國佬, 响總站既車長話, 食左法國蝸牛, 唔知會唔會再慢啲, 我正係貪佢夠慢, 可以睇吓景, 亂諗吓嘢-----＞
前排啲電車車長好醒目, 知道法國人較注重家庭生活, 雖然佢哋啲家庭成員可能耐不時會換吓, 車長們就針對呢方面同老闆 fight 一 fight, 話新既輪班制會搞到佢哋冇時間陪老婆睇細路啲功課, yes, 成功左, 推遲實行
▼ 參觀埋內臟, 油左綠色既內櫳車身好養眼, 深色實木既窗框好高檔

▼  最後排呢四個位, 成梯形狀, 則邊嗰兩個都唔知點坐好, 同隔離位膝頭碰膝頭 , 人家屋企好聽啲叫鑽石形廳, 呢排可唔可以稱做「鑽石雅座」呢

▼ 上落上層同下層啲樓梯級有天生既缺憾, 成日會撞親膝頭哥都唔知, 番屋企先見到瘀左
▼  著住短裙仔就梗係唔好坐呢兩個位啦, 唔止咁呀, 啲凳通晒窿, 係就係好通氣, 但係有啲人 , 唔知佢係專登或者詐家衣唔為意, 上緊樓梯級嗰時一向上望, 條底底係乜色都畀佢見到晒

, 呢啲係我經驗之談, 唔係依家, 係讀中學嗰時

記得讀中學有日上上吓堂, 有一個唔知乜人入左班房, 問同學想唔想有條新既電車路線, 由跑馬地去筲箕灣, 嗰時跑馬地啲電車淨係去西環架咋, 所以有啲同學好興奮咁舉起右手, 連隨佢地隻左手捉住我哋呢啲冇諗住舉手既同學既右臂, 強行舉起, 好快咁唔駛一兩個月呢條線就投入服務嘞, 為跑馬地既學生哥學生妹帶嚟好多方便, 亦做福日後會响跑馬地活動既人, 諗起都覺得自己好偉大呀