相信呢兩日亞珍單新聞都冇人會唔知, 而我就刻意唔去睇佢住, 因為好鬼驚我地啲大員又出主意話免費招待番嗰班團友去迪士尼呀海洋公園呀嗰啲, 咁就會搞到我呢個少少納稅人心理唔平衡, 我就會好亞Q咁當睇唔到, 聽唔到呢檀嘢, 好彩, 香港呢邊負責接待既旅行社話左在先, 會免費請佢地遊多次香港, 哎, 個心都定啲, 去了解吓單嘢啦, 又係衰嘅, 幾個電台日播夜播個條片, 居然記唔番起亞珍講過啲乜, (想當年屋企唔畀我再讀上去都係啱既, 盞嘥錢) 剩係記得佢聲大大, 但係大聲唔表示佢冇道理喎, 唔似有啲人大吵大鬧, 但係就言之無物, 好, 去摷番嚟睇睇先, 點解全場會咁安靜任得亞珍鬧足7分鐘嘅, 啲人就算有少少蝕底, 都一定會即刻出聲, 有著數喎, 就梗係唔出聲啦, 你又睇吓中國人响人地其他國家都比本土國民有錢就知中國人幾識計數啦, 成班團友一定計過晒數, 享盡晒著數, 咁仲洗乜嘥氣同你撐吖, 其實亞珍講既真係字字真言嚟, 道出真理, 有啲仲好值得我地去學習, 終生受用添呀
「我做了八年導遊，從來未試過這麼丟臉子，我們連人家（其他團）一個零頭也湊不出。」
「在家窮就沒有所謂，走出來就不要這樣子。」
「你不幫我也可以，但你不要害我，花一點錢，你也開心，我也開心。」
「這個世界怎可能有免費午餐，我們不是做慈善，慈善我有做唷，汶川大地震我做了一萬零五百元啊。」
「現在是你們欠着我，不是我欠着你，你這輩子不還，下輩子也要還出來。」
「今天晚上我會把酒店房門全鎖上，消費不夠嘛，我們沒有需要去住的，對不對？不要跟我說沒有需要，這團隊是你們選擇的。」
「在家窮就沒有所謂，走出來就不要這樣子。」好啱吖, 屋企慳慳地, 冇人會知, 出嚟行, 就唔好成副寒酸相, 仲影衰埋帶住你嗰個
「你不幫我也可以，但你不要害我，花一點錢，你也開心，我也開心。」洗吓錢真係會開心啲架, 又好有道理
「這個世界怎可能有免費午餐，我們不是做慈善，慈善我有做唷，汶川大地震我做了一萬零五百元啊。」呢個世界冇免費既午餐--呢句話亞媽由細教到大, 又係至理名言, 仲有, 佢話佢依家唔係做緊慈善, 做慈善佢會响另一個場合做, 依家佢係做緊生意, 係人都唔會想做蝕本生意架啦
「現在是你們欠着我，不是我欠着你，你這輩子不還，下輩子也要還出來。」好似呢句之前, 仲有句「你食我既，住我既，」呢幾句對我嚟講好有用, 我決定背熟佢, 他朝回報率唔夠理想, 我就會向依家食我既, 住我既嗰個, 彈呢幾句出嚟, 哈哈, 仲有收尾嗰兩句, 因果輪迴, 少啲慧根都唔識得講呀
太有哲理喇, 好, 吞左佢, 消化埋佢, 使佢成為我思想既一部份
沒有留言:
張貼留言