辦公室的日與夜

有一個朝早番到公司, 見到一位國內女同事, 拎住佢部相機, 行近個玻璃窗, 話想影一張佢工作地點外望既景, send 畀佢國內既友人睇, 我提醒佢呢個時候影出嚟會唔清架, 朝早太陽由東嗰邊昇起, 由港島較西呢邊影過東面, 一定灰濛濛, 佢張相可能會有千千萬萬國內同胞睇加嘛, 破壞左香港既形象咪大近視, 我叫佢下晝3點後先影啦, 佢果然好聽話, 3點正一正拎住部機行近窗邊去影嘞, 係噃, 識得教人, 自己都整番張先得,
嘻嘻, 睇吓天際, 一舊雲, 喂, 話晒都係有啲啲文化既人, 吟番首新詩應吓景 :
我是天空裡的一舊雲，偶爾投影在你的波心；
你不必訝異，更無須歡喜，在轉瞬間消滅了蹤影。

又有一個晚上, 唔知因乜鬼要留响公司, 7點幾, 劇又煲晒, 一條友, 無所事事, 左右度步, 好, 拎個相機出嚟影吓出面啲夜景先

你我相逢在黑夜的海上，你有你的，我有我的方向；
你記得也好，最好你忘掉，在這交會時互放的光亮！