When My Child is Born

今日全香港既報章頭條清一色都係呢張相:一位香港地產商做咗爺爺,笑騎騎咁抱住三個各有姿態既可愛baby,我禁不住問:乜 關晒啲香港人事咩,但畢竟都係喜事一椿,我會鄧佢高興嘅,而且我同佢公司都有過三次緣份,第一個緣份由2006年頭開始咗,至今尚感滿意,應該會再繼續一段日子,
第二個緣份始於2008年,佢夾硬將我十幾年前買落既嗰啲恒發配給咗一啲恒地畀我,雖然少少哋,都算係緣份既一種吖,
第三個緣份就要講番N年前,我畀一位化身成大嬸樣既贈我既其中一句「你唔會冇工做架」,我就係恃住呢一句,于是乎對我人生既第三份工諸多 揀 擇,有一日我去咗環球某一層,係佢公司既總部見工,當時已經過咗下晝5點,我見到成個場佔多數都係略成熟穩重既男仕埋頭苦幹緊,原來佢哋既工作時間係較平時人哋朝九晚五多半個鐘,其實有幾多公司可以畀你踏正5點走人吖,係我既問題,唔關人事,當事時就畀我婉拒咗呢個緣份嚟臨嘞,依家人哋總部都搬埋,可能唔同晒架喇,十年人事都幾番新啦,何況係上世紀既事呢
Every child is a blessing from God,每個小孩都係上天賜予既祝福,今鋪仲係乘三添呀


        <<以下女性會啱睇啲>>
新生命會帶畀人新希望,就正如歌詞所講,曾經經歷過既痛苦都會成為過去,對承受過生產之痛既母親而言,更能夠體會當中意思
近嚟睇到親子王國鬧哄哄討論生仔好啲定生女好啲,妳可以想像一吓,當你既仔女長大成人,女兒添咗小生命,佢會想起當年妳亦都要經歷過佢同樣既痛楚生佢,佢會感激你呢個亞媽,而你兒子添咗小生命,佢第一時間只會攬住佢老婆,好感激佢老婆為佢承受既痛苦,好多謝佢老婆為佢生咗個仔/女,..以下妳個仔都係講緊一啲肉麻骨痺既說話,不過佢跟住講 乜 妳可以唔駛理喎,反正當中係唔會提及到妳呢個亞媽嘅
我仲好記得,我第一件好想做既事就係要對媽咪講句感激多謝,(結果喺心裡面就重覆講咗好多次,好遺憾冇親口講出嚟,到最後都冇,唉,中國人就係咁架喇)我當時諗起佢廿多年前都一樣要經歷過我剛才既痛苦先可以將我帶到嚟呢個世界,之前總覺得自己係被佢忽略既一個,因為佢啲關心要畀第二個多啲,但係呢一切一切相比起嚟,都唔算係咩既一回事嘞

一個衰經理成就左兩件美事----之二

「有錢唔一定快樂,但係冇錢就一定唔快樂」

呢句係官塘某山頭分行C經理既名句,話說佢盡可能唔recommend人升職,佢既原因係若果他朝佢recommend既嗰個人犯錯誤,揭番佢個file睇吓當時係邊個人題名升佢,咁題名人就可能會受到影響架嘞, 佢為咗自保既呢個自私行為,累到一位等咗3年,只係望佢recommend佢升做clerk既後生仔惟有自己出去另作發展,反而咁仲有一番作為添,幾十年後當然可以下定論啦,一個衰經理成就左兩件美事----之一 ,C經理點解唔諗番轉頭,人人學佢咁,佢本人又點上到呢個位呢

在C經理未上山做分行經理之前,佢畀人逼要提番一個人升職,左諗右諗,左度右度,就呢個啦,反應有啲遲鈍,個子矮小(呢點作為男仕比較蝕底)睇怕佢上去見完都唔會pass嗰隻,今鋪定當,唔知點解又畀佢pass咗喎,人材大有人在,以佢一個其貌不揚,日常工作表現平平既人,唔係得C經理,輪 乜 都唔輪到佢啦,自此之後,「小個子」感激C經理嗰份情度尤如佢既再生父親一樣,

有一位開山功臣,職位係客戶服務,制服都好搞嘢,有帽架,只做待客工作,以C經理個為人,點會要呢個職位既人吖,要晒teller好過,可以好零活咁做吓文職又得,做埋接待仲得,所以C經理嚟咗之後呢位即將踏入30大關既女仕就調走咗落裕民坊嗰間大分行喇,不過佢仲係山頭居民又係客戶,成家同山頭分行啲人諗熟,呢位女仕可能乖啲純啲卦,生活圈子狹窄,從來冇交過男朋友,佢亞媽替佢擔心,成日叫C經理介紹男仔畀佢個女,C經理不勝煩擾,佢又左諗右諗,左度右度,佢識得既成班仔入面至yap都算係「小個子」架嘞,於是就將「小個子」介紹畀佢,可能「小個子」要感恩圖報卦,恩人推介到,即收貨,唔駛幾個月,兩個新人拍住拖上山頭派紅色炸彈兼謝媒,呢次係我第一次見呢對新人,我覺得佢哋都幾襯,高度差不多,兩個都唔太多說話,踏踏實實嗰種,但係C經理居然沖口而出發自內心講咗句(應該係話緊亞女仔) 「咁都啱??? 」一年後,佢哋仲生咗個BB仔添呀

其實搵老公唔駛揀 啲 好 醒目嘅,蠢過自己仲啱,有你呃佢冇佢呃到你,作為老公,識得搵錢番嚟畀你,同埋到時到候識番屋企就夠架喇

其實我對C經理都寄于無限同情,C經理好似高高在上咁,現實中佢周圍有好多女人佢都唔得罪得,在工作上,分行細細得嗰10個人唔夠,已經有兩位官太(官太係乜 ?咪就係佢哋老公响銀行裡面擔任緊高職位囉),在家庭上,外母乸 極其猛料,開幼稚園,佢似外母大人啲學生仔咁,對校長-即係佢外母大人又敬又畏,佢只可以將我哋呢啲容許佢踐踏既人,盡情咁踩到扁    

我個為人係唔多熱衷參與同理會我週遭發生既事情,讀書如是,做嘢都如是,咁點解我知咁多我未嚟呢間分行既嘢?其實係一位30過外既女仕-AL好熱情咁用呢啲八八卦卦既嘢嚟同我扮friend換取我既友誼同埋信任,然後恨恨地督我背脊,可能我後台夠硬死唔去卦,唉,又响傷痕累累之中上咗職場既一課,下回分解

芝麻糊

有日响臨時街檔買咗一磅芝麻粉返嚟整芝麻糊, 芝麻卷, 佢有賣芝麻, 胡椒, 合核,杏仁.....仲幫磨埋添, 佢仲話係焗熟, 唔係炒熟嘅, 所以以下呢個步驟唔摼得

▼  白鑊炒香半杯芝麻, 要炒到聞到香味

▼ 用2杯水煲熔幾粒冰糖, 可試吓甜味夠唔夠先再加冰糖, 熔得咁上吓就倒埋啲炒香咗既芝麻落去煲糖水度, 搞勻

▼半杯粘米粉用1/4杯凍水開勻, 倒入煲時要不停搞拌, 話咁快見檀嘢杰杰地就收火

▼   香香滑滑既芝麻糊誕生喇, yummy

▼ 成班畜生洗完白白好神氣, 前嗰排係3胞胎, 2女1男

我唔買六合彩

若果他朝你見我發咗達,你問我係咪中咗六合彩,你就一定估錯,從某年某月某日起,我介咗買六合彩呢個習慣喇

為免仲想要中頭獎既你引起不安,聽完ABBA隻Money就算嘞,唔好再睇落去囉喎

Money, money, money, must be funny, in a rich man’s world=錢呀錢,响有錢人既世界裡面,一定好很有趣啫(等我感受過話過你知呀吓)

有錢駛得鬼推磨=Money makes the world go arround x 2,唔係好記得呢隻咩歌,不過最有印象係收尾嗰句:hey, big spender,唔駛去到歐洲咁遠噃,晨咁早去中環啲名店門口睇吓啲千奇百趣現象,幾多其貌不揚既闊佬等住啲店鋪開門衝入去搶住幫襯,店員家陣對住呢班豪客啲嘴臉都唔同晒架喇

▼

▼

▼

好,講幾個中咗六合彩既人既經歷,茶水亞姐話佢有個親戚中咗六合彩頭獎,佢兩公婆即刻辭咗佢哋份政府好工用嗰啲錢開咗間體育用品店,廿幾年前體育用品店係好熱門賺到錢嘅,但係由佢哋開鋪就開始走下坡,(係咪畀佢拖冧個市呢?)結果將中番嚟既錢蝕晒為止

亞女兩歲半未夠,有日抱住佢經過禮賢會,佢問我係咪冇錢錢畀佢讀書,唔知佢幾時聽埋聽埋就自己亂諗嘢,又一個教訓,要記住响仔女面前要慎言,佢對大眼睛整咗個可憐樣望住你,於是咪畀咗佢返附屬既幼兒班囉,復活節有個活動,旅遊車車咗去唔知邊處搵啲收埋咗既復活朱古力蛋仔,幾位家長閒談之間,話亞乜太中咗條六合彩之後就開始病,睇勻晒西醫中醫都搵唔到病因,錢銀都係身外物啫,但係傷身你都咪話唔驚

亞女開始上小學,教養,教養,唔只要「養」,仲要「教」家嘛,剛啱轉咗份好似幾安穩既工,於是好積極咁响港島區呢邊搵緊樓,嗰時都會妄想旨意一吓啲六合彩,嗰日下晝,一住聽住個電話話筒,一住對冧把, 第一個冧把,中!第二個冧把,中!第三個冧把,中!第四個冧把,又中!心裡面好忐忑不安,奇怪,完全冇興奮既感覺,只係猛同自己講,第五第六個,千祈唔好中,我情願捱世界都唔想病,呢次事件好似畀我預習咗一次真係畀我中咗頭獎既心路歷程咁樣,由嗰陣時起,我介咗買嘞,到依家更加冇要中六合彩既需要

以下李丞責師父講既呢單劫案係十年前發生嘅,嗰間鐘表珠寶店係喺新光後閘過幾間鋪位,係一位歌手個亞哥中咗六合彩頭獎開嘅,個槍手居然會睇中呢間位處鬧市只係一間佔半鋪既細鋪,仲要响人流當旺既中午時份打劫,本應劫匪已經得逞經馬寶道向住鰂魚涌方向走人,唔知點解(應該保險會有得賠)老闆突然衝出去同劫匪糾纏,結果被開槍殺死

風水奇譚—— 生人霸死地

2009-11-12

有人不相信，人是沒有永遠的富貴，也沒有永遠的閉翳（衰運），而一般人更相信，愈早富貴的人，衰運亦會愈早來找他，所以大家都認為，經過一番磨煉後，踏入中年或以後才大富大貴，會較為恰當，亦容易為人接受。

        早在上世紀九十年代初期，一位著名歌手的兄長，很早已成家立室，妻子更是貌似天仙，並育有一對子女，個人更在北角開設金舖，事業如日中天。筆者從他的親人口中得知，他當時的好運簡直好到極點，例如贏馬、中六合彩已是例行公事，勝利似乎是必然的。不過，人無百日好，花無百日紅，不好的事終於來了。

        某年某月，他在金舖埋首工作之際，忽然一名悍匪持槍衝入店內，威嚇眾人並大肆搶掠，最後劫匪掠去一批金飾奪門而逃。原本此事就這樣過去，最多只是損失了一批金飾，但不知何故，「好運的他」突現神來之勇，竟衝出店外，赤手空拳與劫匪糾纏，就在此時，劫匪為求自保，舉槍朝他的後腦……

        事後有不少評論，過往他事事都遇上好運，在危機關頭的一刻，「好運的他」便認為「幸運之神」永遠站在他的一方。

主持︰李丞責

▼

▼

▼

若果你一吓唔覺意睇咗以上嗰幾個真實個案,驚有啲人似我睇嘢既習慣,有時會由收尾睇番上嚟,我惟有咁安慰你啦,「中獎嗰啲錢查實係我既,我一路以嚟,著啲著啲儲响馬會嗰度之嘛」

休止符

「每篇樂章，甚至乎是一篇優美的樂章，當中都一定會有個休止符」

當你响你既人生當中起勢咁衝呀衝,喺適當既時候就應該要停一停,咁有意思既呢句嘢唔係我講嘅,係惡人蘇講嘅,哩,成鬼日鬧人嗰個

你估鬧人唔嘥氣架咩,就正如老細青根暴現對住某人破口大鬧:「罵 你是因為*痛你」(*呢個普通話字好傳神),若果老細唔likey你,要你即刻响佢面前消失咪得囉,駛鬼咁勞氣咩,仲有呀,以前屋企啲老人家都成日講呢句:「為你好先鬧你」

亞蘇鬧人有時又鬧得幾有point,啲point又幾啱聽,家陣亞蘇開talk show, 教人點賺2億,對於我呢個又唔買六合彩而搵銀時效所剩冇幾多年既人嚟講絕對係天方夜譚,而亞蘇提出既兩億,係假設佢有99歲命,呢個數目可以足夠支持佢同埋佢屋企兩老既醫療費同生活費啫

……定下做人目標，跟足呢條「SMART」的搵錢方程式 : -

S---Specific　=具體 : 即具體，好似開心就唔具體，但搵兩億就好具體
M---Measurable　=可數的 : 即數得到，開心係數唔到嘅，但兩億就數得到
A---Attainable　=能力可及 : 即能力做得到
R---Realistic　=實際可行 : 唔好淨係坐喺度齋噏，呢啲就唔 Realistic
T---Trackable　=可追溯的 : 係講時間，需時多久，即係你要有個 timetable

http://hk.apple.nextmedia.com/template/apple/art_main.php?iss_id=20101003&sec_id=462&art_id=14513114

61周年國慶煙花

 

 
     

   

   

  ▼ 線條簡潔

  

       

  

   

▼ 花

▼ 心

   ▼ 亂