Creative T40 II speakers

2013/11/16 去買咗件玩具！



一早有咗目標架喇，今日有藉口帶佢番屋企咁啫。直衝去 298，一上到二樓，朝思暮想件嘢就喺我眼前！亞 sale屎哥哥正想開口介紹佢個型仔 look，仲未及 hard sale佢內涵，我已經畀錢畀唔切咁款，一早已認定係佢啦。依家啲人食嘢買嘢前都上網做晒 research先，我係現代人嚟加嘛，user manual都 download 咗同研究埋啦。見膠紙無搣過嘅痕跡，機都唔駛佢試。

產品網頁 : http://asia.creative.com/p/speakers/gigaworks-t40-series-ii
用家意見 : http://www.price.com.hk/product.php?p=139371&ct=review

話說上年訂部 DELL機時又 XX痕加配咗張靚咭，at that time因為工種上有啲變動 and is quite down moody，so 咋咋臨去買咗個 Life’s good 芒，but life’s still not that good, so 繼續買買買…影像極之滿意之後，咁梗係仲要將音響器材提升少少先襯得起張咭架啦。

先放响廳試音，機身細細，但係聲夠大之餘亦唔會拆。低音响頭頂出，據聞有設計過架，出嚟嘅效果真係幾唔錯！結果囉喎… 正如某位用家所言，我搵咗佢代替晒廳啲一嚿二嚿，周邊環境當堂清爽晒！


駁手機上網聽歌，唔要佢跟機條線，用自己嗰條，聲音玲瓏通透。


跟住聽蔡琴演唱會DVD，聽CD…都好 OK哩！遲啲的起心肝搵埋條發燒喇叭線出嚟先得。唯一係電視台出嘅聲唔掂，source唔掂就神仙都冇得救！

睇睇吓張單，個店名有啲熟喎，世事就係咁橋，個芒都係幫襯佢哋，唔同場咁啫，比對兩張單，原來爭一個月就一年喇，時光飛逝，time flies，有啲驚，有此去之期不遠矣之感！「去」可以好多解讀。

2013/11/16 朝早又去將一件煩事清理掉，咁更加有藉口要買件嘢嚟慰勞吓自己啦！counter 個小伙子仲煩呀，影印、填表(x N)、攞簽名(x N)、叫亞 head override(x N)、轉 A/C(x N)、足足搞咗成大半粒鐘，再要 say 多句 Thank You！奇，好似冇扣發本票費用五十雞嘅？第二間分行話明要扣個喎！一堆數子，頭都大，算了罷！

噢，重大發現，原來 XX Bank 唔只請退休人士做大堂親善大使，我見有個 teller 都一把年紀。親善從來唔係我個 friend，但係若果星期六做吓 part time teller 都係幾唔錯，退休之後可以諗諗，唔知佢哋十年八年後政策會唔會變呢？

早前接我部份工作嗰個連自己換咗個老頂都唔知喎，「依家亞邊個先係你老細呀！」喺心裡面提佢啫，响呢個場要謹言慎行呀！又難怪佢嘅，佢之前响文明世界生活得太久，佢家陣應該知喇啩！唔係話我自己讚自己，一年前(寫卜好處之一就係叫佢幫我記住一啲日子)睇人家啲反應同對你嘅態度有所改變都估到些少，中晒啦！丟咗啲咩工作畀你負責冇人會同你講，你嘅命由某小撮人決定，亦更加唔須要問你一句，要喺呢啲咁嘅環境底下討生活呢十年八年慣晒啦！

眼見 689 又名「一男子」近日嘅所作所為於我不難明白，但係有樣嘢諗唔明，佢從細到大都係受住港式教育長大仲要留學埋英國，點解啲思想行為可以話變就變？用咩洗粉洗得咁徹底？直頭好似成個腦換咗咁嘅！

其實電視人仲有一個機會，就係當RTXX 開晒台之後，AXX 就可以功成身退，「被放生」指日可待。

又講吓呢個地盤，上年本來諗住好襯只有少少卜友，咁可以令離愁別緒、依依不捨嘅人數減至最少時，將我呢塊靚地(嘔！但講真，自我感覺良好就係啦)由得佢自生自滅，唔再耕耘。但係又因為碰啱嗰陣時做嘢好鬼激氣，要用文字嚟發洩憤怒情緒，又幾 work wor！後嚟發覺咁有咁好，冇包袱，想寫咩就寫咩，可以任性地隨心率性而為。現實生活當中不可能啦，做咩講咩之前要顧及人家感受，顧這顧那，好抑壓。
任性地隨心率性而為 ..."LIKE"爆

好懷念吖烏呢一個設定，求戀期原圖上載，响卜文裡面嘅相片，人家會睇到自動縮細至 540px嘅版本，自己就可以睇番原 resolution 嘅版本。有啲嘢存在响度總覺得佢缺點多多，消失咗之後方才發覺佢原來點好點好 (某某一定唔係囉)。3月煩到家吓，要我一件一件事情去搞定，發覺近嚟額角多咗幾條白頭髮。仲未算，得佢帶協，就連我今年自己份 tax 稅局都未計到數呀，可能會畀稅局…，唔想諗落去。真係好想快啲辦完晒所有嘢唔駛再做走獸(=瘦) and 將所有啲 papers 紥成一綑掉埋一邊。

曉鏡但愁雲鬢改，夜吟應覺月光寒。唔寒唔寒，月朗風輕，爽呀！

Mystery the moon
A hole in the sky
A supernatural nightlight
So full but often right
... Jason Mraz - Bella Luna