歲月如歌

浮生夢幻，皆為泡影，如露如電，似霧似煙。
在流年裡等待花開，處繁華中守住真淳，於紛蕪中靜養心性。

人的一生總是在不斷地追憶，無論身處怎樣的繁華，擁有多少尊榮，
有時候，一首老歌就可以將我們帶回到過去，重溫那一段似水年華。

夢裡飄零落花知多少 流水年華流不盡淚和笑
為你留一道歲月的痕跡 輕輕把相思拋
流水問紅葉青春有多好 紅葉問白雲什麼叫尋找
你我都是愛流浪的白雲 終究要分東西
遠方有夢夢中有你 你曾帶著我的過去
我曾嚐著你的淚滴 走過不同千萬里
慢慢遠離作夢的年紀 默默把思念分給那四季
歲月會留下寂寞的真情 我們當作回憶

歲月流去無語，卻留下許多有聲之歌，供你我深深回憶。
就讓我們在歌聲中微笑，在溫暖的塵世擁有如花的幸福。

2月2日，Whatsapp發揮了它最偉大功能，把我們這十數個幾乎已35年沒見的人連上了。今晚的飯聚，怎不令人興奮！最期待看看當年只有七、八歲的小朋友，今天會變成甚麼樣子。我找來兩張發黃了的相片，背景是海邊，有人記起應是石澳海灘。席上有人提議我們作同樣的post，排列依足當年的，幾位小朋友依樣的蹲在我們前面，來個2015年版本。

一剪閑雲一溪月，一程山水一年華。
一世浮生一刹那，一樹菩提一煙霞。

人生的終點，不是在山水踏盡時，亦不是在生命結束後，
而是於放下包袱的那一刻。
當你真的放下，縱算一生雲水漂泊，亦可淡若清風，自在安寧。

2月6日朝早畀人召咗入房，仲叫我順手關門添。心諗，呢三幾日人事部兩只進進出出你房開閉門會議，知你將會同我講咩啦，食腦加嘛。而你房對出嗰三行人都知晒啦，仲知得早過我呢個主角添，駛鬼關門咩。(嗰兩只當然唔會只係為我呢一嚿小薯進進出出咁多次啦，發生响自己身上可以講，其他嘢唔方便講嘞。)

好很長的開場白啊，什麼辛苦了這麼多年、什麼人生美好的階段、什麼現在的人生就是你的了，可以 ..又可以.. 都係一d上網search如何調適心態彈出嚟嗰類「行」嘢囉，其實我冇認真聽...OMG，好似有排講咁噃，唔理咁多一屁股坐低先。你應該feel到d，我嘅人生一向都係由我話晒事架啦，搞到從未有嘢驚過。後嚟先醒悟，佢呢大篇說話應該係用嚟安慰佢自己，三數年後用得著。

以上肺噏完再嚟多三大段，仲段段都各有主旨(駛唔駛呀)。得到的回應是4個「係」字，加上很罕見的全程笑面。其實自己知自己事，態度唔好兼夾郁d黑面，多得你容忍我到今日，勉強都算係完滿結束，已經非常感激，其他嘅真係唔駛多講。

但係一想到廿幾年累積落嚟响丟與唔丟之間徘徊掙扎嘅物件，同利用咗公司電腦嚟 back up d自己嘢都要清清清，就當堂笑唔出喇。嘭嘭聲發兩條求救短通訊出去，一秒唔駛就收到回應「幾好丫、唔洗受氣、要食番餐好嘅賀賀佢」唔理好事壞事開心事唔多開心嘅事...outcome 都係「食餐好嘅」，港女所為！尚幸，緣淺情亦淺，要帶走的只有身外物而已。

人的一生有太多的機遇，
無論你選擇哪條路徑行走，都會有擦肩的過客。
在必然的聚散離合裡，這些人，有一天都會離你而去。
緣深緣淺，時光長短，也只在來往之間。

相逢是雲聚，離別是雲散，都不會影響天空的美麗

2月16日晚吔飽飯印印腳，捻起放工前有單好笑嘢：「亞女，講個笑話你聽，好好笑！」、「唔好笑點先？」其實得自己識笑，唔理喇，照講可也：「我就話做到喊啫，有人未做都喊..」， (上年5月我畀亞女話我呢個行為好衰女，佢似亞媽我似佢個女，EQ同處世做人方面)。平日亞媽唔係亂咁呻，我呢份嘢真係好惡哽。上年5月唔理咁多去旅行，喊住要佢解決，唔要積壓晒d嘢等我番嚟做，因日常都應付唔嚟咁濟。結果佢搵咗3條閒友頂，個個叫晒救命，之後雞咁腳搵掟匿。一捻起放工前睇到嘅嗰個畫面，簡直喺心度笑咗出嚟，即場忍笑忍得好很辛苦。

假如生活欺騙了你
不要悲傷，不要心急
憂鬱的日子裡需要鎮靜
相信吧，快樂的日子將會來臨
心兒永遠嚮往著未來
現在卻常是憂鬱
一切都是瞬息
一切都將會過去
而那過去了的
就會成為親切的懷戀。
——普希金（1799～1837）