Creative T40 II speakers

2013/11/16 去買咗件玩具！



一早有咗目標架喇，今日有藉口帶佢番屋企咁啫。直衝去 298，一上到二樓，朝思暮想件嘢就喺我眼前！亞 sale屎哥哥正想開口介紹佢個型仔 look，仲未及 hard sale佢內涵，我已經畀錢畀唔切咁款，一早已認定係佢啦。依家啲人食嘢買嘢前都上網做晒 research先，我係現代人嚟加嘛，user manual都 download 咗同研究埋啦。見膠紙無搣過嘅痕跡，機都唔駛佢試。

回鄉記、獻給六叔

2013年11月10日大清早，懷著百般複雜心情，隨家父去一個被我認定為是可免則免的地方。儘管常聽人家稱讚那兒某些地方的景色怎美很值得一遊，我一絲心動亦不曾有過。可能是童年陰影使然，有了自主權之後，鮮有踏足此地。今趟回去，是特意探望數十年沒見臥在深切病房中的叔叔，亦可能是最後一面了。
爸在想當年時提過，他十來歲時鄉下大饑荒，吃也吃不飽，於是他隻身逃到香港來。爸各種各樣工作都做過，工餘時間就努力地學習英語，結果給他考進了銀行，正因如此，在港出生的我們，生活尚算安穩。爸上有父母、下有弟妹在鄉下，因此每年聖誕節，總逼令我們舉家回鄉，盡帶物資回去之餘亦要盡量穿多些衣服在身上，好等離開時除下給鄉下的親戚。有時天公不做美，回港時天氣轉冷因穿少了衣服而病倒了。
It’s my homeland but not where my heart belongs to.