機械人晒冷

過去了的星期四，打工仔請一天假會有六天連假。
公司的同事，只有小部份上班，當中包括我。
那天可以早一點下班，是勤工獎勵?
Anyway, 偷閒的時光，特別享受。

剛下了一陣子雨，何處去找個也無風雨也無晴的瓦遮頭?
有了，是商場，香港多的是，還是在鐵路沿線上蓋的哩!
其中有多少是要犧牲了郊遊勝地換來的?
問問八十九十後，他們毫不介意，介意是我們這班有點年紀的。
談quality of life...香港不適用。

長假，香港人的指定動作-出外旅遊;新移民返鄉拜祭的亦不少。
平日寸步難移，喧鬧聲令人頭痛欲裂的地方，
這個下午，人流異常地疏落。
有個 robot 展在舉行，悠悠閒閒慢慢觀賞。

http://www.cityplaza.com/NR/rdonlyres/DA285655-98D4-41E3-B058-CF9BB4A8701D/24975/edm.jpg

機械人晒冷
Robonova-I（韓國）
能提供教學用途嘅機械人，佢亦係演奏家，可即場以電子琴演奏全首動聽音樂。




Wall-E（中國）
參照電影造型設計，可比賽鬥快，但只限於人手操控，缺乏互動樂趣。


Robobuilder


BeRobot（台灣）身高只有六吋，為「全球最細兩足智能機械人」嘅健力士紀錄保持者。


Bioloid（韓國）
內置多個感應器，能探測四周環境從而避開障礙物，及做出接球動作。


TinyWave（韓國）
懂打觔斗、拳擊等動作，身體靈活度相當高，唔講以為睇緊《鐵甲鋼拳》。






http://hk.apple.nextmedia.com/template/apple_sub/art_main.php?iss_id=20120402&sec_id=12187373&subsec=12187373&art_id=16211222

蘋機會：美女

Robot點頭 Hi　細路怕醜

剛喺太古城擺檔嘅機械人晒冷Show，不但集合幾個國家嘅機械人作品，最大賣點係日本仿真人登場，呢位靚女，唔係，呢個女機械人驟眼睇同正常人無分別，識得眨眼講嘢甚至愁眉深鎖，表現豐富逼真，難怪小朋友被佢主動點頭問好嗰陣，都顯得怕醜兼不知所措。

記者：陳國輝
攝影：蔡家輝
Model： Vanessa@Zmodel、 Thoma

65種表情　身價 100萬

稱呼佢為機械人，倒不如用番真實名字：Geminoid F。佢出身於 2010年，生父喺大阪大學有「日本當代機械人之父」稱號嘅石黑浩教授。透過一支專用咪，佢就任你呼喚同擺佈，流露出日本女性嘅服從美德，唔怪得佢個名簡寫係 GF啦（女朋友）。

不過，呢位「演員」身價高達港幣100萬，唔係人人請得起！教授話， Geminoid F具備 12個用嚟控制表情嘅儀器，臉部能做出喜怒哀樂共 65種表情，身上仲裝咗動作感應器，可感應身邊人嘅行為，從而作出互動反應；至於現實生活中， Geminoid F已經被安排喺日本多間醫院，幫助病人舒緩緊張情緒，亦喺百貨公司櫥窗上做過模特兒，仲登台表演過㗎！

互望對住你笑

現場所見嘅Geminoid F，雖然見唔到哈哈大笑等誇張表情，但教授話機械人已收集人類嘅表情數據，當身邊人對佢展露唔同表情嗰陣，佢會識得畀反應。例如小朋友眼睩睩望住佢， Geminoid F就會「睥」番佢微笑、點頭示好；戴上專用咪之後，仲可以直接同機械人「溝通」，指揮佢做做各種表情㖭。

但講到更似真人，反而係設計階段嘅Telenoid，其精采處係有一個「腦」，唔止識同你傾偈，仲識得安慰你，令人心情放鬆。計劃中將引入醫院、老人院等作實際應用。




http://www.gcoe-cnr.osaka-u.ac.jp/Geminoid/GeminoidF/f_resources.html

場內重點是這位仿真度極高的robot，宅男眼中的女神!
當她的頭部徐徐轉向你時，咀角微微翹起，
時而單眼放電，時而眼蓋半合。
和她正面眼神接觸，突然頭皮發麻，太真了，好得人驚，不敢直望!
可能男士們會有相反的反應罷...

她用廣東話打過招呼後，還唱了兩首日本歌曲，
不過唔夾口型，睇得出係mind咀，似一些嘔像在演唱會上。
不同的是，這個是免費的唷。免費的東西，要求也會降得很低。

貪婪地錄了全首歌曲，原來那個file好很大啊，是1G呢!
令得我那台腦退化症日益嚴重的電腦不斷地在思索中，
Feel 得到它已盡了努力，那一條片不能出來見世面喇!

http://hk.next.nextmedia.com/template/next/art_main.php?iss_id=1152&sec_id=13724901&subsec=&art_id=16214599

機械情人夢

石黑浩望住 Geminoid F的眼神，情深款款，兼且想拖埋佢隻手。

石黑浩小檔案

48歲，日本大阪大學基礎工學研究科教授，同時兼任智能機械人研究所所長，曾發表多於三百篇有關智能科技的科學論文，更四次於機械人世界盃 Robocup（ http://www.robocup.org）贏得最佳人形機械人獎項，○七年被 CNN選為「八個能夠改變人類生活的開創性科學家」之一。

科學與藝術

近日行過太古城中心，發現二樓廣場好熱鬧，有機械人踢足球、耍雜技，仲有成堆人圍住「靚女」影相。原來，現場搞緊機械人展，安坐鮮花舞台中央的「靚女」名叫 Geminoid F，人形皮囊底下是一個機械人，由日本科學家石黑浩一手打造。

攝影師原意想石黑浩幫 Geminoid F梳頭，營造甜蜜溫馨氣氛。點知埋位時石黑浩耍手擰頭，以為嫌梳頭動作太過火，但實情是嫌把梳太 cheap，襯不起 Geminoid F。現場所見，他連舞台布置都要參一腳，拎起幾條披肩左度右度，誓要裝扮到 Geminoid F靚一靚，科研人員兼顧埋美感，認真另類。

小事都要管一餐，實在懷疑石黑浩點秤工作同家庭。問石黑浩如何分配時間，他以媲美超級電腦運算速度回答，「 100%工作」！在他心目中， Geminoid F比任何事都重要，即使旁人抽秤他無時間陪老婆同埋七歲囡囡，都一於好少理，甚至反問有何問題。返屋企對石黑浩來講，可能只為交人。

卡通影響

又難怪石黑浩如此自我，因為 Geminoid F的確好厲害，不單只外形同真人一樣，連皮膚、頭髮的質感都貼近真人，雖然頸以下部分不能郁動，但面部就可做出六十五種表情，○七年英國《鏡報》就選石黑浩入「世界一百位現存天才榜」（ http://www.telegraph.co.uk/......op-100-living-geniuses.html），排名廿六，

僅僅落後於 Google創辦人 Larry Page（ http://www.google.com/about/company/facts/management）（廿二位）及大導演史提芬史匹堡（廿五位）， BBC更於○八年為他製作個人紀錄片，揚名國際。

明明外國機械人科技同樣先進，無理由得日本科學家可以做到如此逼真，石黑浩話原因在於日本「國寶」──動漫畫，「日本不少動漫以機械人為題材，部分更將機械人整到好似人類，甚至成為家中一分子。」老老實實，我真的不想將 Geminoid F變成屋企成員……「但好多宅男或者老人家，無人陪好孤獨，有機械人作伴會好開心。」

 三代 Geminoid

Geminoid HI-1

○六年石黑浩由於要成日開會，難以專注研究工作，希望可以製作一個同自己一模一樣的機械人，代他開會。於是用了差不多一百萬美元（約七百八十萬港元）製成 HI-1，面部有 250個推動器，可以做出呼吸、眨眼、坐立不安等細微動作，更可模仿石黑浩的聲音講話。
左邊是石黑浩真人，右邊才是 Geminoid HI-1，好易搞錯。