(24)基督教墳場

▼  入口處有個小禮拜堂Little Chapel, 好似叫 Morrison Chapel

▲  相既右手邊行落去就係墓地, 唔去囉, 安息得好地地, 都唔會想畀人騷擾啦

 

▼  白鴿巢公園, 呢個公園以前有好多道友聚集, 依家好似冇嘞,

行入公園裡面上吓啲梯級有啲名人石像咁, 唔多識, 失覺哂, 請勿見怪

▼  經過白鴿巢公園, 跟跟據地圖一味向左既方向朝住海邊既目標移動, 經過啲民居, 窄窄既小巷, 就到左沙梨頭喇, 呢個區比較舊, 5月1日警民就係响呢處開始發生衝突架嘞

 

去沙梨頭海邊做乜, 當然係搵食啦, 有人話好有文化之旅終於結束, 要開始喪食之旅, 睇清楚啲, 係喪食, 唔係豪食

11點9, 去到六合, 諗住食水蟹粥蝦子撈麵, 吓, 冇開門? 睇番旅遊書, 開6..................pm ??!!

咁日唞白白做乜?  出海網蝦捉蟹?  响澳門開門做生意真係歎, 唔似香港, 宜得開足24小時, 捱得咁辛苦大部份都畀左去份租金...............

好, 跳上巴士向氹 仔官也街出發