▼ 酒店房外望
▼ 酒店等 lift, 响酒店門口有巴士直達二龍喉公園,
▼ 响二龍喉公園入口右手邊嗰間玻璃小屋用$3 買來回票啦, 唔想參觀完燈塔用碌落山呢個方法既話, 睇右手邊, 一相兩用, 摼番啲
▼ 二龍喉公園乘吊車上東望洋炮台
▼ 上到嚟澳門半島最高既東望洋山喇, 大地在我腳下.....Yeah !!!
▼ 行過左呢條隧道, 就會見到東望洋燈塔
▼ 酒店房外望
▼ 酒店等 lift, 响酒店門口有巴士直達二龍喉公園,
▼ 响二龍喉公園入口右手邊嗰間玻璃小屋用$3 買來回票啦, 唔想參觀完燈塔用碌落山呢個方法既話, 睇右手邊, 一相兩用, 摼番啲
▼ 二龍喉公園乘吊車上東望洋炮台
▼ 上到嚟澳門半島最高既東望洋山喇, 大地在我腳下.....Yeah !!!
▼ 行過左呢條隧道, 就會見到東望洋燈塔
▼ 好大霧, 澳門塔個塔頂唔見左, 唔知响上面食緊自助山嗰啲食客望出嚟會唔會冇景睇呢, 唯有專心食多啲喇..........
▼ 呢個堤岸記得廿幾年前嚟過兩次, 一次租左架三輪車, 仲記得同邊個, 另一次係沿住海堤漫步, 記極都記唔起同邊個嘞, 証明唔重要, 算把啦
▼ 由最左既新葡京開始, 一列賭場漸漸消失於雲霧之中, 唔知有冇人搏大霧呢
弊........出事嘞, 蝴蝶袋專門店開左响呢度? 各種類型有齊哂, 上高仲有一層專係賣花布款添呀, 又比台灣平喎, 已經完全忘記哂呢個係好有文化之旅, 係咁响呢三層樓上上落落, 左揀右揀 , 大有收穫, 好滿足咁番酒店, 食過晚餐去影夜景嘞, 經過見到東望洋塔頂發射激光, 好得意, 聽朝一早上嚟探你吓.......
▲ 噴水池前身係一個銅像嚟, 有興趣知.......? 自己搵答案啦
▲ 呢度既格局同我响葡萄牙修道院側邊食葡撻最出名嗰間店舖有8成似, 葡萄牙獨有既藍白花磚半牆貼上, 行入啲係中空既亭院, 可以坐低舒舒服服咁食件新鮮出爐熱辣辣香噴噴滑嘟嘟既葡撻(上面仲洒左啲肉桂粉架), 飲番杯香濃既咖啡, 店舖正門入口個大圓counter裡頭企住好多店員, 好忙碌咁將每六個葡撻入一個紙筒, 畀人外賣拎走....
▼ 喂, 番嚟喇....., 呢處係唔會有葡撻食架
▼ 同場加影: 郵政局, 外型有啲似我地既利舞臺, 好懷念貧窮學生時代只係負擔得起坐高等, 兩旁邊啲單座位要則則地射哩眼咁睇, 高等真係高人一等架, 比超等再高一層喎, 價錢方面係最平, 比前座後座仲要平, 其實將佢成舊搬去西九咪好囉, (相信利氏家族都會同意) 洗乜家陣咁頭痕(太多牢騷, x # @y z…..........)
▼ 嘩…昅到靚野, 係乜?睇下篇報導, 好有文化之旅今日到此為止, 聽朝繼續